Paris. Trend:
Paris-2024 Yay Olimpiya Oyunları davam edir.
Trend İdman.biz-ə istinadən xəbər verir ki, bu gün güləş yarışlarında daha üç çəkidə mübarizəyə start verilib.
Qadın güləşində bir kateqoriyada ilk qarşılaşmalar keçirilir. Azərbaycanın bu növdəki yeganə təmsilçisi Mariya Stadnik özünün 5-ci Olimpiadasında Olimpi fəth etməyə çalışıb.
Qadın güləşi
50 kq
Olimpiya Oyunlarının ikiqat gümüş və ikiqat bürünc mükafatçısı
Mariya Stadnik yarışa 1/8 finaldan başlayıb. Onun ilk rəqibi
Anastasiya Blavyas (Almaniya) olub. Millimizin lideri görüşü inamlı
qələbə ilə bitirib. Stadnik alman güləşçini 6:2 hesabı ilə məğlub
edərək 1/4 finala vəsiqə qazanıb. Təmsilçimiz ikinci
qarşılaşmasında Otqonjarqal Dolqorjavla (Monqolustan) güləşib.
Gərgin keçən görüş 4:4 hesabı ilə başa çatıb və xalların
keyfiyyətinə görə rəqib mərhələ adlayıb.
Qeyd edək ki, Mariya London-2012 və Rio-2016-da gümüş, Pekin-2008 və Tokio-2020-də bürünc qazanıb.
xxx
14:25
Azərbaycanın qadın güləşçisi Mariya Stadnik Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.
Trend xəbər verir ki, 50 kq çəki dərəcəsində yer alan idmançı 1/8 final mərhələsində almaniyalı Anastasiya Blayvasla üz-üzə gəlib.
Rəqibinə qalib gələn Stadnik 1/4 finala vəsiqə qazanıb.
