Bakı. Trend:
Azərbaycan III MDB Oyunlarında medal sıralamasında ikinci yerə yüksəlib.
Trend-in məlumatına görə, bu barədə yarışın rəsmi saytında məlumat verilib.
Hazırda Azərbaycanın aktivində 33 qızıl, 53 gümüş və 92 bürünc medal var. Medal sıralamasına 124 qızıl, 61 gümüş və 40 bürünc medal qazanan Rusiya liderlik edir. Belarus isə 32 qızıl, 35 gümüş və 52 bürünc medalla üçüncü pillədə qərarlaşıb.
İndiyədək yarışda 10 ölkənin idmançıları medal qazanıblar.
Qeyd edək ki, III MDB Oyunları oktyabrın 8-də yekunlaşacaq.