...

Azərbaycanlı sənətkarların əl işləri xaricdə təqdim olunacaq (FOTO)

İqtisadiyyat Materials 23 Noyabr 2017 14:58 (UTC +04:00)
Ölkə daxilində və xaricində təşkil olunacaq tədbirlərdə “ABAD”çı sənətkar ailələrinin əl işləri təqdim olunacaq.
Azərbaycanlı sənətkarların əl işləri xaricdə təqdim olunacaq (FOTO)

Bakı. Trend:

Ölkə daxilində və xaricində təşkil olunacaq tədbirlərdə “ABAD”çı sənətkar ailələrinin əl işləri təqdim olunacaq.

Bu barədə Trend-ə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyindən məlumat verilib.

Bildirilir ki, “ABAD” publik hüquqi şəxs ilə Milli Turizm Təbliğat Bürosu (MTTB) publik hüquqi şəxs arasında Anlaşma Memorandumu imzalanıb. Anlaşma memorandumunu “ABAD”ın direktoru Rüfət Elçiyev və MTTB-nin direktoru Fuad Nağıyev imzalayıblar.

Məqsəd Azərbaycanın və Bakı şəhərinin tarixi mədəni zənginliyininin təbliğ edilməsi istiqamətində iki qurum arasında səyləri birləşdirmək, “ABAD” tərəfindən yaradılmış ailə brendlərinin xarici ölkələrdə tanıdılmasına dəstək göstərmək, ailə təsərrüfatlarının turizm sektoruna cəlb olunması istiqamətində birgə addımlar atmaq və turizm sahəsində yeni brendlərin formalaşdırılması işində birgə çalışmaqdır.

Sənədə əsasən, MTTB tərəfindən ölkə daxilində və ölkə xaricində təşkil olunacaq tədbirlərdə “ABAD”çı sənətkar ailələrinin əl işlərinin təqdim olunması və sənətkarların həmin tədbirlərdə iştirakı təmin olunacaq.

Bundan başqa, tərəflərə məxsus olan sərgi-satış mərkəzləri, turizm informasiya mərkəzləri, məlumatlandırma köşklərində hər iki qurum tərəfindən hazırlanan və məqsədi ölkənin özünəməxsus dəyərlərinin tərənnümü olan təbliğat materiallarının nümayişi və təqdimatı həyata keçiriləcək.

Məqalədə:
Xəbər lenti

Xəbər lenti