...

İki şirkətin akkreditasiya attestatları ləğv edilib

İqtisadiyyat Materials 10 Yanvar 2018 17:06 (UTC +04:00)
İstehlak məhsullarının sertifikatlaşdırılması xidməti göstərən "Cert Center” MMC və "Standart Cert” MMC-nin akkreditasiya attestatları ləğv edilib.
İki şirkətin akkreditasiya attestatları ləğv edilib

Bakı. Trend:

İstehlak məhsullarının sertifikatlaşdırılması xidməti göstərən "Cert Center” MMC və "Standart Cert” MMC-nin akkreditasiya attestatları ləğv edilib.

Standartlaşdırma, Metrologiya və Patent üzrə Dövlət Komitəsindən Trend-ə verilən məlumata görə, “Azərbaycan Akkreditasiya Mərkəzi” publik hüquqi şəxsi (AzAK) tərəfindən “Uyğunluğun qiymətləndirilməsi sahəsində akkreditasiya haqqında” Azərbaycan Respublikasının 2014-cü il 30 may tarixli 965-IVQ nömrəli Qanununun tələblərini pozduğuna görə "Cert Center” MMC-nin və "Standart Cert” MMC-nin "İstehlak məhsullarının sertifikatlaşdırılması” üzrə fəaliyyət göstərən orqanlarının akkreditasiya attestatları ləğv edilib. Belə ki, “Uyğunluğu qiymətləndirən qurumların fəaliyyətinə inspeksiya nəzarəti planı”na uyğun olaraq istehlak məhsullarının sertifikatlaşdırılması xidməti göstərən adıçəkilən sertifikatlaşdırma qurumlarında inspeksiya nəzarətinin aparılması nəzərdə tutulsa da, orqanlar tərəfindən inspeksiya nəzarətinin aparılması üçün şərait yaradılmayıb.

Bunu əsas götürərək AzAK-ın müvafiq qərarı ilə "Cert Center” MMC və "Standart Cert” MMC-nin "İstehlak məhsullarının sertifikatlaşdırılması” üzrə fəaliyyət göstərən orqanlarının akkreditasiya attestatları ləğv edilib.

Məqalədə:
Xəbər lenti

Xəbər lenti