Azərbaycanda iki ayda əhali bu xidmətə 306,9 milyon manat xərcləyib
Bakı. Elçin Mehdiyev – Trend:
2019-cu ilin yanvar-fevral ayları ərzində Azərbaycanda informasiya və rabitə müəssisələri 306,9 milyon manatlıq xidmət göstərib ki, onun da 71,5 faizi əhali tərəfindən istehlak olunub.
Trend-in məlumatına görə, 2018- ci ilin eyni dövrü ilə müqayisədə informasiya və rabitə xidmətlərinin dəyəri real ifadədə 9,3 faiz artıb, bu sahədə əldə edilmiş gəlirin 81,6 faizi qeyri-dövlət sektorunun payına düşüb.
Xidmətlərdən əldə edilən gəlirin 43,9 faizi və ya 134,8 milyon manatı mobil telefon rabitəsi sahəsində formalaşıb.
