Bakı. Trend:
Azərbaycanda yararsız heyvan əti satanlara qarşı tədbirlər gücləndirilməlidir. Trend-in məlumatına görə, bunu Milli Məclisin Aqrar siyasət komitəsinin sədri Tahir Rzayev parlamentdə “Qida təhlükəsizliyi haqqında” qanun layihəsinin müzakirəsi zamanı deyib.
O bildirib ki, son illər bu istiqamətdə ciddi tədbirlər görülür.
“1000-dən çox sahibkar barəsində İnzibati Xətalar Məcəlləsinə uyğun
olaraq tədbirlər görülüb, 10-dan çox insan cinayət məsuliyyətinə
cəlb edilib”, - deyə o bildirib.
T.Rzayev əlavə edib ki, öz ciblərini qida təhlükəsizliyi və
insanların sağlamlığından üstün tutanlara qarşı ciddi tədbirlər
görülməlidir.