Bakı. Trend:
Bakıda "Chain Reaction 2024" forumunun 2-ci günü keçirilib. Tədbirin əsas mövzuları blokçeyn, Web3, süni intellekt və rəqəmsal aktivlərdir.
Trend xəbər verir ki, ikinci gün ərzində “4SİM Azərbaycan” və “Binance” arasında anlaşma Memorandumu imzalanması gözlənilir.
Bundan əlavə, "Chain Reaction 2024" forumunun ikinci günü çərçivəsində " mədəniyyət kimi innovasiya ", "Kiber zəiflik - bu, təsisçilər üçün böyük riskdirmi?", " Yeniliyə və maliyyəyə davamlı yanaşma ", "Web 3 azalırmı?", "Müasir portfel tərkibi: rəqəmsal aktivlərin rolu nədir?", " Fintech və ragtech ' in yeni dövrü", "İnvestorların səhvləri" və "Mərkəzləşdirilmiş maliyyə institutları rəqəmsal aktivləri qəbul etməlidirmi, yoxsa onlardan çəkinməlidirmi?" mövzularında panel müzakirələri keçirilib.
Həmçinin, "100 milyon İsveçrə frankı dəyərində rəqəmsal istiqrazın buraxılması dərsləri" və "Bitkoin 2 qat azaldıqdan sonra mayninq etməyə dəyərmi?" mövzularında təqdimatlar olub.
İnnovasiya və rəqəmsal inkişaf agentliyinin sədri İnarə Vəliyeva bildirib ki, Azərbaycanda ilk innovasiya mərkəzi yaradılır.
"Agentlik Azərbaycanda AIM (Azərbaycan İnnovasiya Mərkəzi) adında ilk innovasiya mərkəzini qurmaqdan qürur duyur. Biz bu mərkəzi oktyabr ayında Bakı və Sumqayıtda açmağı planlaşdırırıq, ilin sonuna qədər isə bölgələrdə bir mərkəz daha açılacaq. Gələn il isə Bakıda bir neçə yeni mərkəz açmağı planlaşdırırıq", - Vəliyeva qeyd edib.
Vəliyeva, dövlət-şəxsi tərəfdaşlıqların təşəbbüslərin davamlılığını təmin edəcəyinə və biznes sektorunun uzunmüddətli inkişafda açar rolunu oynayacağına əmindir.
