...

Pambıq mahlıcına dair yeni dövlət standartları qəbul edilib

İqtisadiyyat Materials 31 Yanvar 2025 14:00 (UTC +04:00)
Pambıq mahlıcına dair yeni dövlət standartları qəbul edilib
Sadiq Cavadov
Sadiq Cavadov
Bütün xəbərlər

Bakı. Trend:

Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTANDART) tərəfindən AZS 965:2024(O’z DSt 3295:2018) "Pambıq mahlıcı. Təsnifat cihazlarının köməyi ilə pambıq mahlıcının fiziki-mexaniki xassələrinin müəyyən olunması üçün standart sınaq metodları", AZS 969:2025 (O’z DSt 632:2021) “Pambıq mahlıcı. Qüsur və zibil qarışıqlarının müəyyən olunma metodları” və AZS 154:2025 “Pambıq mahlıcı. Yetişkənliyin müəyyən edilmə metodları” dövlət standartları qəbul edilib.

Bu barədə Trend-ə AZSTANDART-dan məlumat verilib.

Bildirilib ki, bu dövlət standartları pambıq mahlıcının təsnifat cihazlarından istifadə etməklə rəng, tullantı, mikroneyr göstəricisi, yuxarı orta uzunluq, uzunluğa görə bərabərlik indeksi, xüsusi qırılma yükü, pambıq analizatorlarında qüsur və zibil qarışıqlarının kütlə payı, eləcə də pambığın sınağı üçün standartlaşdırılmış alətlərdə (SITC) nepslər (düyünlər), o cümlədən polyarizasiya işığında və nümunənin havakeçirmə qabiliyyətinə görə yetişkənlik əmsalının müəyyənləşdirilməsi metodlarını təyin edir.

Qeyd olunub ki, sözügedən standartlar Azərbaycan Respublikasının Kənd Təsərrüfatı Nazirliyinin Bitki Mühafizə və Texniki Bitkilər Elmi-tədqiqat İnstitutunun bazasında təsis olunmuş “Pambıqçılıq sənayesi”nin standartlaşdırılması üzrə Texniki Komitədə (AZSTAND/TK 38) müzakirəyə çıxarılıb və İnstitut tərəfindən qəbul edilərək Standartlaşdırma üzrə normativ sənədlərin Dövlət Fonduna daxil edilib.

Məqalədə:
Xəbər lenti

Xəbər lenti