Bakı. Trend:
Bu ilin aprelin 1-nə Azərbaycanda fəaliyyət göstərən banklar tərəfindən sənaye sektoruna verilmiş biznes kreditlərinin həcmi 656,5 milyon manat təşkil edib.
Bu barədə Trend Mərkəzi Bankdan məlumat əldə edib.
Məlumata görə, bu göstərici ötən ilin eyni dövrü ilə müqayisədə 254,9 milyon manat və ya 63,5% çoxdur.
Qeyd edək ki, bəhs olunan dövrdə Azərbaycanda fəaliyyət göstərən bankların biznes kredit portfelinin həcmi 14,935 milyard manat təşkil edib.
Bankların biznes kredit portfeli 2024-cü ilin aprelin 1-nə olan göstərici ilə müqayisədə 13,1% və ya 1,7 milyard manat artıb.