Bakı. Trend:
Fövqəladə Hallar Nazirliyi (FHN) Dövlət Yanğından Mühafizə Xidmətinin (DYMX) Cəbrayılda yeni inzibati binası inşa olunacaq.
Trend-in məlumatına görə, yeni binanın inşası qurumun 3 çıxışlı Cəbrayıl Rayon Dövlət Yanğından Mühafizə Hissəsi üçün nəzərdə tutulub.
Belə ki, artıq bununla bağlı Fövqəladə Hallar Nazirliynin Əsaslı Tikinti İdarəsi müvafiq işlərə start verib.
Qurum hazırda sözügedən işləri icra edəcək şirkət axtarışındadır.
Eyni zamanda, nazirlik qeyd olunan işlərin icrasının 3,4 milyon manata başa gələcəyini proqnozlaşdırıb.