Bakı. Trend:
Bu ilin mayın 1-nə Azərbaycanın milli valyutası - manatın dövretmə sürəti 3,33 bənd təşkil edib.
Trend Azərbaycan Mərkəzi Bankına (AMB) istinadən xəbər verir ki, bu, cari ilin aprelin 1-i ilə müqayisədə 0,03 bənd və ya 0,9%, ötən ilin eyni dövrü ilə müqayisədə isə 0,01 bənd və ya 0,3% azalıb.
Belə ki, bu ilin aprelin 1-nə manatın dövretmə sürəti 3,36 bənd, ötən ilin mayın 1-nə isə 3,34 bənd təşkil etmişdi.
Qeyd edək ki, AMB-nin statistikasına əsasən, manatın dövretmə sürətinin son 17 il ərzində ən aşağı həddi 2015-ci ilin yanvar ayının yekununda qeydə alınaraq, 2,68 bənd təşkil edib. Bu göstəricinin ən yüksək həddi isə 2005-ci ildə (15,72 bənd) qeydə alınıb.