Azərbaycan, Bakı / Trend / Azərbaycan Kənd Təsərrüfatı Nazirlyinin Dövlət Baytarlıq Xidməti müasir metodlarla müayinələrin keçirilməsi üzrə treninqlərə başlayıb.
Dövlət Xidmətindən verilən məlumata görə, təlim , Azərbaycan hökuməti və ABŞ-ın Müdafiə Nazirliyi arasında bağlanmış sazişə uyğun olaraq , Bioloji Təhlükənin Azaldılması Proqramı çərçivəsində həyata keçirilir.
Sentyabrın 11-14-də keçiriləcək təlim ABŞ-ın Yoluxucu Xəstəliklər üzrə Tədqiqat İnstitutunun bakterioloji şöbəsinin mütəxəssisi Amanda Leyn tərəfəindən aparılacaq.
Tədbirdə Baytarlıq Xidmətinin mütəxəssisləri ilə yanaşı, Səhiyyə Nazirliyinin Taun Əleyhinə Stansiyasının əməkdaşları da iştirak edəcəklər.