Azərbaycan, Lənkəran/ Trend , P.Əliyeva/ Lənkəran rayonunda il ərzində elektrik enerjisindən qeyri-qanuni, sayğacdankənar istifadə edən 80-dək abonent aşkar edilərək, barələrində toplanmış materiallar hüquq-mühafizə orqanlarına təqdim olunub, çərşənbə günü Lənkəran Paylayıcı Elektrik Şəbəkəsinin rəisi Qılman Rzayev bildirib. Onun sözlərinə görə, hesabat dövründə enerji haqlarının yığımı 95,1% təşkil edib ki, bu da ötən ilin müvafiq dövrü ilə müqayisədə 75% çoxdur.
Şəbəkə rəisi qeyd edib ki, yığım faizinin artmasına sayğaclaşma, enerji oğurluğu faktlarının aşkara çıxarılaraq aradan qaldırılması təsir edib.
Rayonda mövcüd olan 38 min 947 abonentin evində sayğaclaşma başa çatdıb. Rzayevin bildirdiyinə görə, qışa hazırlıqla bağlı, 200-dən artıq qəzalı vəziyyətdə olan elektrik dirəyi yenisi ilə əvəz edilib. Hazırda rayona ötən ilin müvafiq dövrü ilə müqayisədə 11-12 saat çox enerji verilir.
Lənkəran paytaxt Bakıdan 268 kilometr cənubda yerləşir. Əhalisi 201 min 500 nəfərdir. Əhalinin ümumi sayının 51,2 %-ni qadınlar, 48,8 %-ni kişilər təşkil edir.