Azərbaycan, Bakı / Trend , müxbir S.Babayeva/ Azərbaycanın Əmək və Əhalinin Sosial Müdafiəsi Nazirliyi Bakıda bu il üçün son əmək yarmarkasını keçirəcək. Bu barədə bazar ertəsi Nazirliyin Baş Məşğulluq Idarəsindən məlumat verilib. Yarmarkanın dekabrın əvvəlində keçirilməsi planlaşdırılır.
Bakıdan öncə yarmarka noyabrın əvvəlində Naxçıvan Muxtar Respublikasında (NMR) keçiriləcək.
May ayından Əmək Nazirliyi Azərbaycanın şəhər və rayonlarında 54 yarmarka keçirib, 5739 nəfər işə qəbul olunub. Statistik məlumatlara əsasən, 2007-ci ildə ölkədə qeydiyyatdan keçmiş işsizlərin sayı 51,3 min nəfər təşkil edib ki, bunun da 50,5 faizi qadınların payına düşüb. Azərbaycanda bir iş yerinə dörd nəfər rəsmi qeydiyyatdan keçmiş işsiz iddia edir.
