Azərbaycan, Bakı / Trend , müxbir İ.Xəlilova/ Beynəlxalq İnvestisiya Bankı (Bəhreyndə yerləşir) və Azərbaycanın "Əmrah Bank"ı arasında 49 faiz səhmin ötürülməsinə dair sövdələşmə yaxın zamanlarda Azərbaycan Milli Bankı ilə prosedur məsələlərinin yekunlaşmasından sonra başa çatacaq. Bu barədə cümə axşamı "Əmrah Bank"ın idarə heyətinin sədri Mahmud Ağamalıyev məlumat verib.
Azərbaycanın bank qanunvericiliyinə müvafiq olaraq, 10 faizdən yuxarı səhmin satılması zamanı razılaşma
Milli Bankla aparılmalıdır. Azərbaycan Milli Bankı, öz növbəsində, investorun etibarına diqqət yeririr, lakin səhmdara dair tələb bazel standartlarına müvafiq olaraq qoyulur. Bu standartlar əsasında bank qanunları fəaliyyət göstərir.
Ağamalıyevin bildirdiyinə görə, yeni səhmdarın daxil olması yeni səhm emissiyası vasitəsilə həyata keçiriləcək.
"Əmrah Bank"ın idarə heyəti sədrinin bildirdiyinə görə, bankın müşahidə şurasına beş nəfər daxil olacaq ki, bunlardan ikisi Beynəlxalq İnvestisiya Bankının nümayəndəsi olacaq.
Beynəlxalq İnvestisiya Bankı hesab edir ki, hər il yatırılan investisiyanın qaytarılma əmsalı 21 faiz təşkil edəcək. Beynəlxalq İnvestisiya Bankı və "Əmrah Bank" onu yüksək maliyyə məhsulları və xitmətləri təklif edən mükəmməl islam bankına çevirmək üçün əməkdaşlıq edəcəklər.
Azərbaycan Milli Bankı tərəfindən İslam bankçılığının tətbiq edilməsinə qədər iş prosesi hazırkı kredit sisteminə müvafiq olaraq aparılacaq.
Azərbaycanın fəaliyyətdə olan bank qanunvericiliyində bank əməliyyatlarının islam bankçılığı prinsipləri üzrə həyata keçirilməsi nəzərdə tutulmayıb.
Milli Bankda hesab edirlər ki, islam bankı prinsipləri əsasında bank fəaliyyətinin tətbiq edilməsi dini prinsiplər əsasında institut yaratmağa icazə verməyən Azərbaycan Konstitusiyasına zidd olacaq.
Milli Bank bunun mümkünsüzlüyünü həm də, isalam ölkələrində banklar üzərində ikiqat nəzarətin müəyyən ekdilməsi ilə izah edir.
Daha doğrusu, bank qaydaları Bazel prinsipləri və islam standartları üzrə həyata keçirilir. Azərbaycanda müştərilərə şəriət hökmləri üzrə bank xidmətləri təklif edən Kauthar bank-ı misal göstərmək olar.
"Əmrah Bank"ın ümumi kapitalı 12 mln. manat, o cümlədən, ödənilmiş nizamnamə kapitalı isə 9 mln. manat təşkil edir. "Əmrah Bank" Azərbaycanda 1993-cüü ildən fəaliyyət göstərir. Bankın ölkə üzrə 20 filialı və 250-dən çox əməkdaşı var.