Azərbaycan, Bakı / Trend müxbir İ.Xəlilova/ Azərbaycan İnvestisiya Şirkətinin (AİŞ) icraçı direktoru Anar Axundovun çərşənbə axşamı verdiyi məlumata görə, Azərbaycan İnvestisiya Şirkəti SC İsveçrənin "İvaterm" tədarükçü şirkəti ilə "Azərbaycan duzu" SC üçün avadanlığın tədarükü məqsədilə yekun müqavilə imzalamağa hazırlaşır.
Axundovun sözlərinə görə, müqavilənin imzalanmasına paralel olaraq yeni müəssisənin yerləşəcəyi ərazi də müəyyənləşdirilir.
"Azərbaycan duzu" SC-yə qoyulan ievestisiyalar 10 mln. manat təşkil edir və bu investisiyaların dörddə biri AİŞ-ə, digər hissəsi isə "Azersun Holding"ə məxsusdur. Zavodun gücü gün ərzində 100 ton, il ərzində isə 30 min ton duz təşkil edəcək.
