Azərbaycan, Bakı / Trend , müxbir Ü.İsmayılova/ "Basak-Inam" Türkiyə-Azərbaycan birgə Sığorta Şirkətinin Baş direktoru Orxan Hüseynovun cümə axşamı verdiyi məlumata görə, Sığorta Şirkəti 2008-ci ildə şirkətin bütün mühasibat hesabatını Maliyyə Hesabatlılığının Beynəlxalq Standartlarına keçirmək niyyətindədir.
"Şirkətin mütəxəssisləri bu sahədə standartlara cavab vermək üçün müvafiq treninqlər keçirlər" - deyə Həsənov bildirib.
Hüseynovun sözlərinə görə, şirkət "Groupama"-dan olan yeni səhmdarlarla intensiv əməkdaşlığa başlayıb (may ayında onlar şirəkətin səhmlərinin bir hissəsini alıblar) və yeni investorlar Azərbaycanın tərəfinin "Basak-Inam" şirkətinin rekonstruksiyasına təkan vermək niyyətindədirlər.
"Basak-Inam" Azərbaycan-Türkiyə birgə sığorta şirkətidir, şirkətin səhmdarları Fransanın "Groupama" şirkətidir ki, şirkət may ayında Türkiyənin "Basak" sığorta şirkətinin kapitalında 60% iştirak payı əldə edib və "Basak-Inam"ın kapitalının 49%-nə malikdir.