Azərbaycan, Bakı/ Trend , müxbir İ.Xəlilova/ Dünya Bankı (DB) Zabratdan Zığ qəsəbəsinədək 58 km. uzunluğunda ikinci dairəvi yolun tikintisi layihəsinin reallaşdırılmasını maliyyələşdirməyə hazır olduğunu bildirib. Bu barədə hökumətdən məlumat veriblər. Bank bunun üçün Beynəlxalq Yenidənqurma və İnkişaf Bankının xətti ilə 50-56 mln. dollar ayırmağı planlaşdırıb. Azərbaycan hökuməti təklifi qəbul etdiyi halda DB texniki sənədləşdirmənin hazırlanması üçün qrant ayırmağa hazırdır. 2006-cı ildə İranın "Basilio" şirkəti layihənin bir hissəsinin texniki-iqtisadi əsaslandırılmasını hazırlayıb. Azərbaycan Nəqliyyat Nazirliyi müvafiq olaraq qalan hissəni müəyyənləşdirməli olacaq. Dairəvi yolun yenidənqurulmasının dəyəri TİƏ-nin tam hazırlanmasından sonra konkretləşəcək.
...
