Azərbaycan, Bakı, 08 fevral/ , müxbir İ.Xəlilova/ "UniBank" Kommersiya Bankı dünya maliyyə bazarlarında vəziyyətin yaxşılaşmasınadək avrobondların buraxılması planlarını təxirə salıb. Bu barədə bankın Müşahidə Şurasının sədri Eldar Qəribov məlumat verib. Avroistiqrazların birinci yerləşdirilməsinin $150 mln. həcmində olacağı gözlənilir.
"Biz onları ötən ilin noyabrında yerləşdirməyi planlaşdırırdıq. Lakin bazarlardakı qeyri-stabilliyə görə 2008-ci ilin noyabrınadək təxirə salmışıq" - Qəribov bildirib.
"UniBank" rəhbərinin rəyinə görə, bu yenə də xarici bazarlardakı vəziyyətdən asılı olacaq. Belə ki, indiki vaxtda qiymətlər çox yüksəkdir. Bundan əlavə, suveren avrobondlardan sonra öz qiymətli kağızların emissiyasını həyata keçirmək arzuediləndir.
"UniBank" ölkənin aparıcı özəl banklarındandır və 2002-ci ildə "Mbank" və "Promtexbank"ın birləşməsi nəticəsində yaranıb. AYİB-in bankın kapitalındakı iştirak payı 15 faiz təşkil edir.