Azərbaycan, Bakı, 12 fevral/ Trend , müxbir Ü. İsmayılova/ AZAL Dövlət Konserni yayadək Bakı-Minsk marşrutu üzrə uçuşların sayını bir reys artıra və ümumi sayı həftədə ikiyə çatdıra bilər. Bu barədə çərşənbə günü Dövlət Konserninin Baş direktorunun birinci müavini Sabir İlyasov məlumat verib.
Onun sözlərinə görə, bu istiqamətdə sərnişin axınının artması müşahidə olunur. Belarus tərəfi ilə razılaşmaya görə, uçuşlar paritet əsasda həyata keçirilməlidir. Lakin Belarus tərəfi onların həyata keçirilməsi üçün texniki imkanlara malik deyil. Beləliklə, tərəflər qarşılıqlı uçuşların sayını, hər tərəfdən iki olmaqla, dördədək artırmaq haqqında razılığa gələ bilərlər. İlyasov bildirib ki, reysləri gələcəkdə yeni təyyarələrlə (AZAL 2010-cu ildən Boing 737-900 və 787 Drimliner təyyarələri almağa başlayacaq) əvəz edilməklə, Tu154 təyyarələri vasitəsilə həyata keçirmək nəzərdə tutulur.
Dövlət Konserni rəhbərinin müavininin sözlərinə görə, tacik tərəfi yeni Bakı-Düşənbə reysinin açılmasını təklif edir. Lakin Tacikistanın təklifi üzrə həftədə bir reys həyata keçirmək güman edilir. İlyasovun rəyinə görə, bu, məqsədəuyğun deyil. Belə ki, bu sistemlə geriyə qayıdış mexanizmi işləmir.
Həftədə yeddi dəfə reys həyata keçirmək, və əsas hava limanında iş qaydasında yerinə yetirmək lazımdır. Birləşmə hesabına sərnişinlər Bakıya yola düşən və gəlib çatan digər reyslərdən istifadə edə bilərlər.
Məqalə müəllifinin əlaqə ünvanı: [email protected]
