Azərbaycan ENPİ çərçivəsində Şərq regional investisiya proqramının iştirakçısı olacaq

Azərbaycan, Bakı, 19 fevral/ " müxbir İ.Xəlilova/ Azərbaycan hökuməti ilə ölkənin Avropa Qonşuluq Siyasəti (ENPİ) aləti çərçivəsində, Şərq regional investisiya proqramına (ERİP) qoşulması üzrə danışıqların aparılması üçün Avropa Komissiyası Azərbaycana məsləhətçi göndərib. Bu barədə çərşənbə axşamı Avropa İttifaqının texniki yardım proqramları koordinasiya bürosunun (TACİS) icraçı direktoru Rüfət Məmmədov məlumat verib.

Onun sözlərinə görə, ERİP-ə qoşulmaq məqsədilə məsləhət xidmətlərinin göstərilməsi üçün Belçikanın ECO şirkəti seçilib. Onun ekspertləri Bakıdadırlar və İqtisadi İnkişaf Naziriliyi, Azərbaycan İnvestisiya Şirkəti, Azərbaycanın İxrac və İnvestisiyaların Təşviqi Fondunda (AZPROMO) görüşlər keçirilir.

ERİP proqramı Azərbaycan, Gürcüstan, Ermənistan, Moldova, Ukrayna və Belarus üçün hesablanıb, üç ilə (2008-10 illər) hesablanıb və 7 mln. avro büdcəyə malikdir.

Onun əsas məqsədi qarşılıqlı ticarət və investisiyaların dəstəklənməsi üçün Aİ və proqramın altı iştirakçı dövlətinin kiçik və orta müəssisələri arasında tərəfdaşlıq əlaqələrinin yaradılmasıdır.

Məmmədov bu proqram çərçivəsində Avropa Komissiyası ilə danışıqların başlanğıc mərhələdə olduğunu və buna görə də, istiqamət və layihələrin hələ müəyyən edilmədiyini qeyd edib.

Azərbaycan üçün ENP çərçivəsində milli plan 2006-cı il noyabrın 14-də Brüsseldə, Aİ-Azərbaycan əməkdaşlıq Şurasının iclasında təsdiq edilib. Fəaliyyət planı üzrə layihələrin maliyyələşdirilməsi üçün indikativ proqramlar hazırlanır və 2010-cu ilədək Azərbaycan üçün ümumi büdcə 92 mln. avro təşkil edir.