Azərbaycan, Bakı, 14 mart/ " müxbir İ.Xəlilova/ 2008-ci il yanvarın 1-nə olan vəziyyətə görə, Azərbaycan hökuməti $4,991 məbləğində 109 kredit müqaviləsi bağlayıb ki, onlardan $2 mlrd. dəyərində 53 layihənin reallaşdırılması başa çatıdırılıb. Bu barədə hökumətin cümə günü parlamentə təqdim etdiyi 2007-ci ildə ölkənin sosial-iqtisadi inkişafı üzrə hesabatında deyilir.
2007-ci ildə Azərbaycan hökuməti iqtisadiyyat üçün xüsusi əhəmiyyət kəsb edən müxtəlif layihələrin maliyyələşdirilməsinə $767,2 mln. məbləğində səkkiz kredit müqaviləsi bağlayıb.
Müxtəlif BMİ-dən cəlb edilmiş kreditlərin strukturu belədir:
- Dünya bankından $260 mln. məblğində iki kredit
- AYİB-dən $92 mln. məbləğində kredit
- İİB-dən $80 mln. məbləğində kredit
- Almaniya hökumətindən $42 mln. məbləğində kredit
- Koreyanın Shinhan bankından $180 mln. məbləğində kredit
- ABN Amro Bank-dan $100,2 mln. məbləğində kredit
- Səudiyyə İnkişaf Fondundan $13 mln. məbləğində kredit
2007-ci ildə Azərbaycanın xarici dövlət borcu $2,4 mlrd.-dək artıb. 2006-cı ildə bu rəqəm $2 mlrd. təşkil edib.
Məqalə müəllifinin ünvanı: [email protected]
