Azərbaycan, Şəmkir, 14 mart/ " müxbir Q.Rafiqqızı/ Türkiyənin Temel Su şirkəti Azərbaycanın Şəmkir rayonunda dəyəri 400 mln. manat olacaq su anbarının tikinti layihəsinin hazırlanmasını bitirib. Bu barədə cümə günü rayonun suvarma sistemləri idarəsinin rəisi Məmməd Əmirov Trend -ın bölgə müxbirinə məlumat verib.
180 milyon kubmetr su tutumuna malik olacaq anbar vasitəsilə Şəmkir, Samux, Goranboy və Xanlar rayonlarının 40 min hektardan çox ərazisi suvarılacaq.
Əmirovun sözlərinə görə, su anbarının tikintisi üçün vəsaitlər dövlət büdcəsindən ayrılacaq. Layihənin sifarişçisi Meliorasiya və Su Təsərrüfatı ASC-dir. Su anbarının tikintisi ilə Türkiyənin Cingiz Insaat şirkəti məşğul olacaq.
"Su anbarının yanında altı aqreqatdan ibarət 36 MVt gücündə elektrik stansiyası tikiləcək", - Əmirov bildirib.
Məqalə müəllifinin ünvanı: [email protected]
