...

Caspian International Investment Company-nin təqdimatı üçün Fars körfəzinin investisiya şirkətləri Azərbaycana dəvət olunub

Biznes və iqtisadiyyat xəbərləri Materials 22 Aprel 2008 15:28 (UTC +04:00)

Azərbaycan, Bakı, 22 aprel/ Trend , müxbir İ.Xəlilova/ Azərbaycan İnvestisiya Şirkəti (AİŞ) və Özəl Sektorun İnkişafı İslam Korporasiyası (İCD İslam İnkişaf Bankı qrupuna daxildir) iyunda Bakıda Fars körfəzinin investisiya şirkətlərinin dəvət olunacağı konfrans keçirməyi planlaşdırır. Bu barədə çərşənbə axşamı AİŞ-in icraçı direktoru Anar Axundov məlumat verib.

"Hazırda tədbirlərin keçirilmə tarixi razılaşdırılır və artıq ərəb investisiya şirkətləri üçün dəvətnamələr paylanır", - Axundov qeyd edib.

Onlara yalnız AİŞ-in İCD ilə birgə təsis etdiyi Caspian International Investment Company (CIIC) deyil, həmçinin şirkətin investorların cəlb edilməsi ilə iştirak etməyi planlaşdırdığı layihələr də təqdim ediləcək.

"Biz ilkin olaraq Fars körfəzindən olan investorlara Azərbaycanı və layihələri göstərmək barədə qərara gəlmişik. Növbəti mərhələdə isə road-show-nun keçirilməsi gözlənilir", - AİŞ rəhbəri bildirib.

Hazırda CIIC çərçivəsində maliyyələşdiriləcək layihələr üzərində işlər davam etdirilir. Onlardan bəziləri layihələrə çevrilməsi planlaşdırılan fikirlərdir. Yayın birinci yarısına planlaşdırılan konfransda bu layihələri detallaşdırmaq və investorların müzakirəsinə çıxarmaq nəzərdə tutulur.

İnvestisiya şirkətinin təsis edilməsində əsas məqsəd ərəb ölkələrindən investisiyaların cəlb edilməsidir. Bunun nəticəsində AİŞ və İCD-nin birgə şirkətdə iştirak payları azalacaq. Son nəticədə, 4-5 ildən sonra Azərbaycan İnvestisiya Şirkəti özünün strategiyasında qəbul edildiyi kimi səhmdarlıqdan çıxacaq. Bu gün Dubay və Fars körfəzinin digər bankları CIIC səhmdarı olmaq barədə potensial arzularının olduğunu bildirirlər.

Axundovun sözlərinə görə, birinci mərhələdə şirkətin yaxşı portfeli formalaşdırılmalı və müvafiq komanda yaradılmalıdır.

CIIC-in birinci təsis toplantısı Bakıda keçirilib. Toplantıda Caspian International Investment Company-nin Azərbaycanda kənd təsərrüfatı, loqistika, tibb, farmakologiya, tikinti materiallarının istehsalı, xidmətlər sahəsində layihələrə sərmayə yatırmasının perspektivli istiqamətləri nəzərdən keçirilib.

Strategiyaya əsasən, investisiyalar şəriət prinsiplərinə zidd olan spirtli içkilər və donuz ətindən olan məhsulların istehsalı üzrə müəssisələr, həmçinin standart maliyyələşdirmə və sığorta xidmətlərinin göstərilməsi şərtləri ilə fəaliyyət göstərən banklar və sığorta təşkilatları istisna olmaqla iqtisadiyyatın real sektorundə həyata keçiriləcək.

Şirkət ilkin olaraq $3-4 mln. Nizamnamə kapitalı ilə yaradılıb. Lakin iki il əzində o, $70 mln.-dək çatdırılacaq. AİŞ-in iştirak payı 25 faiz təşkil edəcək və onun ödənilməsi üçün $14 mln. verəcək. Şirkət təkcə AİŞ və İCD-nin (ilkin mərhələdə onun iştirak payı 75 faiz təşkil edəcək) deyil, həm də Yaxın Şərq və Fars körfəzindən olan sərmayəçilərin vəsaitləri hesabına formalaşdırılacaq.

Belə maliyyə institutunun yaradılması təşəbbüsü 2006-cı il noyabrın 8-9-da ərəb institutları və investorlarının iştirakı ilə Bakıda keçirilən investisiya konfransı çərçivəsində İİB prezidenti Əhməd Məhəmməd Əlidən gəlib.

Aprelin 22-də rəsmi məzənnə 0,8286 AZN/USD təşkil edir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti