Azərbaycan, Bakı, 29 aprel / Trend , müxbir S.Əliyev/ May ayının 5-dən etibarən "Azərbaycan hava yolları" (Azerbaijan airlines) Bakı-Hələb (Suriya) marşrutu üzrə reyslər açır. Bu barədə çərşənbə axşamı AZAL dövlət konsernindən məlumat verilib.
Uçuşlar Fransanın ATR -72-500 tipli təyyarələri vasitəsilə bazar ertəsi günləri saat 10:00-da həyata keçiriləcək. Dövlət konserni bu təyyarələri ötən ildən əldə edir.
Aprelin 15-dən AZAL Bakı-Trabzon (Türkiyə) marşrutları üzrə uçuşlara başlayıb. Bu reyslər çərşənbə axşamı günləri ATR -72-500 təyyarələri ilə həyata keçirilir.
AZAL-dan bildirilib ki, Bakı-Əmman (İordaniya) aviareyslərinin isə açılış tarixi hələ məlum deyil.
Müəlliflə əlaqə saxlamaq üçün elektron ünvan: [email protected]
