Azərbaycan, Bakı, 06 may/ Trend , müxbir İ.Xəlilova/ Azərbaycanın İqtisadi İnkişaf Nazirliyi məişət tullantılarının yandırılması üzrə zavodun tikintisi üçün podratçının müəyyən edilməsinə dair tenderin qalibinə öz şərtlərini irəli sürüb. Bu şərtlərinin yerinə yetirilməsindən sonra onunla müqavilə bağlana bilər. Bu barədə çərşənbə axşamı iqtisadi inkişaf nazirinin müavini Mikayıl Cabbarov məlumat verib.
İddialar həm müqavilənin dəyəri, həm də layihənin reallaşdırılmasında tərəflərin məsuliyyətini əhatə edir.
"Bu şərtlər tender təkliflərində göstərilmişdir. Buna görə, biz qalib şirkətdən onları müqavilədə əks etdirməyi tələb edirik", - Cabbarov bildirib.
Tenderdə dörd şirkət iştirak edib - Fransanın CNİM, Avstriyanın EVN, Almaniyanın Enconi və Rusiyanın "Moskekostroy/Mosspeüstroy" şirkətləri.
Hökumət layihənin maliyyələşdirilməsini öz üzərinə götürür.
Zavodun Balaxanıda, mövcud məişət tullantıları poliqonu yaxınlığında tikilməsi nəzərdə tutulur. Onun illik gücü 500 min ton təşkil edəcək. Podratçı üçün əsas şərt müəssisənin ən yaxşı təmizləmə texnologiyası ilə tikilməsi və enerjinin alınmasıdır.
Rəsmi məlumatlara görə, hər il Bakı və onun ətrafında 1 mln. ton məişət tullantısı toplanır. Bu gün Bakı ətrafında üç məişət tullantısı mövcuddur.
Müəlliflə əlaqə saxlamaq üçün elektron ünvan: [email protected]
