Azərbaycan, Bakı, 07 may / müxbir İ.Xəlilova/ Amerikanın Kazimir Investment Caspian Fund şirkəti Azərbaycanda ikinci bankın səhmdarı olmağa və AGBank-ın səhmlərinin 10 faizini almağa hazırdır. Bu barədə bankın Müşahidə Şurasının sədri Çingiz Əsədullayev məlumat verib. Şirkət Azərbaycanın bank bazarına ilk dəfə TexnikaBank-ın səhmlərinin 10 faizini alaraq daxil olub.
Əsədullayevin sözlərinə görə, sazişin mayın 13-də, AGBank-ın səhmdarlarının toplantısında təsdiq ediləcəyi gözlənilir. Sazişin ölçüsü bu görüşdən sonra açıqlanacaq. Saziş mükafat üstəgəl nominal üzrə həyata keçiriləcək və səhmlərin alınması yeni emissiyaların hesabına baş verəcək. AzerigazBank emissiyaların qeydiyyatı üçün artıq AR prezidenti yanında Qiymətli Kağızlar üzrə Dövlət Komitəsinə müraciət edib. Yeni səhmdarın daxil olması nəticəsində, bankın Nizamnamə kapitalı hazırki 12 mln. manatdan 15 mln. manatadək artacaq.
"Kazimir-in səhmdarlığa cəlb edilməsi xarici kreditlərin cəlb edilməsinin həcmini genişləndirəcək. Belə ki, o, investisiya şirkətidir", - Əsədullayev bildirib.
Azərbaycanın Milli Bankı (AMB) artıq xarici sərmayədarın AGBank-ın səhmdarlığına daxil olmasına icazə verib.
Bu gün AGBank-ın təqribən 80 səhmdarı var.
İndiyədək bankın yeganə xarici səhmdarı Beynəlxalq Maliyyə Korporasiyası (İFC) hesab olunurdu. O, bankın kapitalında 17,5 faiz (735 000 səhm) iştirak payı alıb.
Hazırda bankın ümumi kapitalı 20 mln. manatdır, aktivləri isə 170 mln. manatı ötür.
Mayın 7-ə olan rəsmi məzənnə - 0,828 AZN/USD.
Müəlliflə əlaqə saxlamaq üçün elektron ünvan: [email protected]
