Azərbaycan, Bakı, 16 may / Trend , müxbir U.İsmayılova/ "Əmlak bazarı iştirakçıları" İctimai Birliyindən verilən məlumata görə, apreldə Bakıda inşaat materiallarının qiyməti mart ayına nisbətdə təxminən 13,6 faiz bahalaşıb.
İctimai Birlik aprel ayında 38 adlı 84 növ inşaat materiallarının monitorinqini keçirib. Apreldə 10 növ inşaat materialları üzrə qiymətlərin aşağı enməsi, 22 növ üzrə - stabil və 52 növ inşaat materealları üzrə qiymətlərin isə kifayət qədər artdığı müşahidə olunub.
Təşkilatın keçirdiyi monitorinq zamanı bazarda yerli inşaat materiallarının payı 44 faiz təşkil edib.
Təşkilatın hesablamalarına görə, ilin əvvəlindən tikinti materialları üzrə qiymətlər 20 faiz artıb.
"Əmlak bazarı iştirakçıları" ekspertlərinin rəyinə görə, inşaat materiallarının qiymət artımının əsas səbəbi dünya bazarında tikinti materiallarının bahalaşması və idxal zamanı nəqliyyat xərclərinin artması ilə bağlıdır.
Müəlliflə əlaqə saxlamaq üçün elektron ünvan: [email protected].