Azərbaycan, Bakı, 16 may / Trend , müxbir İ.Xəlilova/ Azərbaycan hökuməti 2008-ci ildə Yaponiya Beynəlxalq Əməkdaşlıq Bankı ilə ("JBIC") kredit sazişi imzalandığı halda, sözügedən krediti dəmir yolunun elektrik hissəsinin təzələnməsinə cəlb edəcək. Bu haqda cümə günü hökumətdən alınan məlumatda bildirilib. Baxmayaraq ki, Azərbaycanın dəmir yolu infrastrukturunun təkmilləşdirilməsi haqqında beşillik Dövlət Proqramı hələ ki təsdiqlənməyib, hökumət 2009-cu ilin sonlarında istifadəyə veriləcək Bakı-Tbilisi-Qars dəmir yolunun Azərbaycan ərazisindən keçən hissəsinin tikintisini müəyyən edilmiş müddət ərzində tamamlamağı planlaşdırır.
"JBIC" dəmir yolunun elektrikləşdirilməsinə razılıq verərək Azərbaycana 260 mln. dollar məbləğində maliyyə vəsaiti təqdim edəcək. Gürcüstan sərhədlərindən Bakı-Böyük Kəsiydək dəmir yolu infrastrukturunun təkmilləşdirilməsi çərçivəsində elektrik təchizatını dəyişmək və daimi cərəyandan dəyişən cərəyana keçid planlaşdırılır.
Bank sözügedən layihə üçün 0,75 faizdən aşağı olan tariflə imtiyazlı maliyyə (10 il güzəştli dövr olmaqla 40 müddətinə) təqdim etməyə hazırdır.
"Yaponiya bankının apardığı prosedurlar uzun çəkdiyi üçün bu ilin sonunadək bütün sənədlər və həmçinin kredit sazişi təqdim olunacaq, onlar imzalanacağı təqdirdə bankın təklifləri qəbul olunacaq", - mənbə bildirir.
Nəzərə almaq lazımdır ki, bank Yaponiyanın "Itochu Corporation" korporasiyası ilə birgə çıxış etmək niyyətindədir. Qeyd etmək lazımdır ki, "Itochu Corporation" "JBIC"in texniki yardımı çərçivəsində Gürcüstan sərhədlərinədək Bakı-Böyük Kəsik dəmir yolu infrastrukturunun təkmilləşdirilməsi layihəsinin işlənməsində iştirak edib. Layihə çərçivəsində sürət qatarının yaradılması planlaşdırılır.
Sözügedən layihə ümumi dəyəri 1,252 mlrd. manat olan Azərbaycanın (2007-2012-ci il) dəmir yolu infrastrukturunun təkmilləşdirilməsi üzrə Dövlət Proqramı çərçivəsində həyata keçiriləcək.
Müəlliflə əlaqə saxlamaq üçün elektron ünvan: [email protected]
