Azərbaycan, Bakı, 19 may / Trend / Azərbaycanın Nəqliyyat Nazirliyi və Koreyanın "Daewoo" şirkəti Azərbaycana 300 avtobusun gətirilməsi haqqında saziş imzalayıb. Bu haqda nazirlikdən bazar ertəsi verilən məlumatda bildirilib. Sözügedən avtobuslar yaxın günlərdə Azərbaycana gətiriləcək.
Görüş zamanı iki tərəf arasında Azərbaycana bu ilin sonunadək daha 700 avtobus gətirilməsi haqqında memorandum imzalanıb. Sözügedən avtobuslar əvvəllər Bakıya gətirilmiş avtobuslardan texniki parametr və rahatlığı ilə seçiləcək.
Mövcud olan saziş çərçivəsində, Koreyanın "Daewoo" şirkəti Azərbaycana təxminən 200 avtous gətirib. Tədarük Azərbaycanın özəl "Trans geyt" şirkəti ilə saziş əsasında reallaşdırılır.
Bakıda əvvəllər istifadə olunan avtobuslar nazirliyin texniki tələblərinə, həmçinin, Azərbaycan Respublikasının prezidenti İlham Əliyevin fərmani çərçivəsində həyata keçirilən Bakı şəhərinin nəqliyyat infrastrukturunun təkmilləşdirilməsi proqramına cavab vermirdi.
