Azərbaycan, Bakı, 21 may/ Trend / "Şimal-Cənub" nəqliyyat dəhlizinin yaradılması layihəsi çərçivəsində Azərbaycanın dəmir yolu hissəsinin tikintisinin dəyəri bir neçə il əvvəl nəzərdən tutulan $20 mln -dan $30-$40 mln.-dək artıb. Bu barədə çərşənbə günü Azərbaycan Dövlət Dəmir Yolunun baş mühəndisi Qurban Nəzirov məlumat verib. Nəzərov layihənin bahalaşmasının tikinti üçün lazım olan xidmət və materialların bahalaşması ilə əlaqədar baş verdiyini bildirib.
Azərbaycanda həyata keçirləcək işlərin həcmi böyük deyil. Astara stansiyasınadək təqribən 8,5 km yol hissəsi çəkilməli, təkər cütlüklərinin dəyişmə sisteminə malik stansiyalar, sərhəd və gömrük infrastrukturu yaratmaq lazımdır. Bundan əlavə sərhəd dəmir yolu körpüsü tikmək lazımdır. Lakin, bu layihənin reallaşdırılması İranla paritet əsasda həyata keçiriləcək.
"Şimal-Cənub" nəqliyyat dəhlizi layihəsi Rusiya, Azərbaycan və İran vasitəsilə Avropadan Hindistan və Cənub-Şərqi Asiya ölkələrinə vahid dəmir yolu əlaqəsinin yaradılmasını nəzərdə tutur. Layihənin reallaşdırılmasına $400 mln.-dan çox vəsait tələb olunur. İşlər böyük hissəsi isə Azərbaycan sərhədinədək dəmir yolu rabitəsinə malik olmayan İranda həyata keçirilməlidir.
Birinci mərhələdə bu dəhlizlə 5 mln. ton yükün daşınacağı proqnozlaşdırılır. Sonra isə bu rəqəm ildə 10-15 mln. tona çatacaq.
