Azərbaycan, Bakı, 23 may/ Trend , müxbir İ.Xəlilova/ Avropa Yenidənqurma və İnkişaf Bankı (AYİB) Azərbaycanın qeyri-bank kredit təşkilatlarında iştirak arzusunu ifadə edib və hazırda "CredAgro"nun səhmdarlığına daxil olmaq haqqında danışıqlar aparır. Bu barədə cümə günü ölkə hökumətindən məlumat veriblər. Bu maraq haqqında, AYİB idarəçilərinin mayın 18-19-da Kiyevdə keçirilmiş illik iclası çərçivəsində bəyan edilib.
"CredAgro"da qeyd ediblər ki, Avropa bankı ilə danışıqlar hələ ilkin mərhələdədir.
"Bizim belə planlarımız var. Lakin səhmdarlar hələ ki, AYİB-ə verilə biləcək iştirak payını müəyyənləşdirməyiblər", - kredit təşkilatından bildiriblər.
"CredAgro"nun yeganə təsisçisi 8 il əvvəl Azərbaycanda qeyri-bank kredit təşkilatı yaratmış ACDI-VOCA beynəlxalq humanitar təşkilatdır. Təşkilatın Nizamnamə kapitalı $5 min, ümumi kapitalı isə 7 mln. manat təşkil edir.
"CredAgro" Avropa bankı ilə 2006-cı ildən əməkdaşlıq edir və o, AYİB-dən kredit almış ilk bank olmayan kredit təşkilatı olub. İndiyədək AYİB həm kapitalda iştirak planında, həm də kredit ehtiyatlarının ayrılmasında Azərbaycanda əsasən bank sektorunu maliyyələşdirib.
Ötən il AYİB "CredAgro" üçün kredit xəttini $4 mln.-dək artırıb ki, bu vəsait artıq tam mənimsənilib.
Bu gün "CredAgro"nun fəaliyyəti regionlarda layihələrin maliyyələşdirilməsinə yönəlib və 27 rayonu əhatə edir. Bununla əlaqədar o, 9 nümayəndəlik yaradıb və yardımçı ofislərə malikdir. Onun kredit ayırdığı sahələr müxtəlifdir - kənd təsərrüfatı kreditləşməsi, ticarət əməliyyatları, infrastruktur, lizinqin maliyyələşdirilməsindən istehlak kreditləşməsinədək. "CredAgro"nun kreditləri illik 36 faizədək dərəcə ilə və üç il müddətinə verilir.
Mayın 23-nə olan rəsmi məzənnə - 0,8235 AZN/USD.
Müəlliflə əlaqə saxlamaq üçün elektron ünvan: [email protected]
