Azərbaycan, Bakı, 27 may / Trend , müxbir E.İsmayılov/ Türkiyənin "Evsen" Şirkətlər Qrupu, "IranKhodro" zavodu və İranın İxracat İnkişaf Bankı Azərbaycanda 10 min Azsamand EL (4 min ), Azsamand LX ( 4min ), Azsamand Soren (2 min) markalı avtomobilərin istehsalı üzrə çərşənbə axşamı müqavilə imzalayıblar. Müqavilənin dəyəri - $73 mln. təşkil edir
Müqavilə ilk Beynəlxalq biznes konfransı çərçivəsində Şamaxı şəhərində imzalanıb.
Konfrans İqtisadi İnkişaf Nazirliyi, İnvestisiyaların Təşviqi Fondu (AZPROMO) və "Evsen" Şirkətlər Qrupu tərəfindən təşkil olunub.
Konfrans çərçivəsində Azərbaycan, Türkiyə, Çin, İran, Baltikyanı ölkələr, Almaniya, Rusiya, Səudiyyə Ərəbistanı, Ukrayna, İraq, Pakistan, Gürcüstan, Özbəkistan, Türkmənistan, Qazaxıstan və Belarusu təmsil edən firma və təşkilatlar arasında biznes danışıqlarının keçirilməsi planlaşdırılır.
Azərbaycan, Türkiyə, Çin və İranın əsas biznes şəhərlərində bazar monitorinqinin keçirilməsi, xarici şirkət və təşkilatların təqdim olunması, həmçinin Azərbaycanın Ticarət Sənaye Palatasında, hökumət və iqtisadi strukturlarında görüşlər keçirilməsi də nəzərdə tutulub.
