İyunun 3-6-da Moldovanın paytaxtı Kişinyovda MDB ölkələrinin Antiinhisar Siyasəti üzrə Dövlətlərarası Şurasının 27-ci iclası və MDB üzvü olan ölkələrin Antiinhisar qanunvericiliyinin pozulması hallarının araşdırılması Qərargahının 6-cı iclası keçiriləcək. Bu barədə çərşənbə axşamı Azərbaycanın İqtisadi İnkişaf Nazirliyindən məlumat veriblər. Azərbaycandan tədbirdə İqtisadi İnkişaf Nazirliyi yanında Antiinhisar Dövlət Xidmətinin rəisi Samir Dadaşov və rəis müavini Araz Əliyev iştirak edirlər. Azərbaycanın Antiinhisar Xidmətinin rəhbəri ilk dəfə olaraq Şura sədrinin müavini kimi bu tədbirdə iştirak edəcək.
İclas çərçivəsində Moldovanın Rəqabətin Qorunması Milli Agentliyinin təşkil etdiyi "Rəqabət siyasəti sahəsində əməkdaşlıq" mövzusunda beynəlxalq Konfrans da keçiriləcəkdir.
Ötən görüşdə Antiinhisar Şurasının iş təcrübəsinə sahə əməkdaşlığının müvafiq orqanlarının nümayəndələrinin iştirakı ilə qarşışıq istiqamətli məsələlərin nəzərdən keçirilməsi və müzakirəsini daxil etmək təklif olunub. Xüsusilə də, dövlətlərin antiinhisar orqanları və daxili işlər orqanları arasında qarşılıqlı fəaliyyət imkanları nəzərdən keçiriləcək.
Telekommunikasiya bazarında birgə araşdırmaların başlanılmasına dair planlarla əlaqədar, metodikanın hazırlanmasında dair qərar qəbul edilib. Avropa İttifaqına məlumatın təqdim edilməsinə dair sorğu göndərmək haqqında təklif də irəli sürülüb. Telekommunikasiya bazarının analizi mobil telefon rabitəsi, fiksasiya edilmiş telefon rabitəsi, İP-telefoniya bazarında araşdırılmaları nəzərdə tutur. Əsas məqsəd bu bazarda inhisarçılıq elementlərini aşkar etməkdir. Buna zərurət şikayətlərin daxil olduğu istehlakçıların maraqlarına görə yaranıb.
Əvvəlki görüş ötən il sentyabrın 20-21-də Bakıda keçirilib və Dadaşov bu görüşdə ASDŞ-nin sədr müavini seçilib.
Tədbirdə MDB ölkələrinin antiinhisar təşkilatlarının rəhbərləri və mütəxəssislər, eləcə də BMT-nin Ticarət və İnkişaf Konfransı (UNCTAD), İqtisadi Əməkdaşlıq və İnkişaf Təşkilatının (OECD) və Avropa Şurasının ekspertləri iştirak edəcəklər.
İyunun 3-nə olan rəsmi məzənnə - 0,82 AZN/USD.
Müəlliflə əlaqə saxlamaq üçün elektron ünvan: [email protected]