Azərbaycan, Bakı, 04 iyun/ Trend , müxbir İ.Xəlilova/ Qiymətlərin bahalaşmasına dair dünya prosesləri çərçivəsində, "Şimal-Cənub" nəqliyyat dəhlizinin yaradılması layihəsinin dəyərinə yenidən baxılmalıdır. Rusiya tərəfi bununla əlaqədar, texniki-iqtisadi əsaslandırmanı yeniləməyi planlaşdırır. Bu barədə Azərbaycan Dövlət Dəmir Yolunun rəisi Arif Əsgərov məlumat verilib. Məsələ işçi qrupunun növbəti görüşündə nəzərdən keçiriləcək.
Onun sözlərinə görə, dəmir yolunun Azərbaycan hissəsi cüzi bahalaşacaq. Belə ki, onun uzunluğu cəmi 18 km (stansiya yolları nəzərə alınmaqla) təşkil edir. Astara stansiyasınadək (AR) yol sahəsinin uzunluğu 7,5 kilometrdir. İlkin olaraq onun tikintisinə ayrılan xərclər $20 mln. qiymətləndirilib. Lakin indi xərclər təqribən $30-40 mln.-dək artacaq (ADDY-dəki mənbənin məlumatlarına görə).
"Əvvəllər relsin bir tonunu $600 - a alırdılarsa, indi Rusiya istehsalçıları onu $1200-1300-a satırlar, - Əsgərov bildirib. Xərclərin artması dəmir məmulatlarının bütün növlərinə toxunub və buna görə də layihənin bahalaşma həcmi haqqında fikir söyləməyə çətinlik çəkirəm".
"Şimal-Cənub" nəqliyyat dəhlizi layihəsi Rusiya, Azərbaycan, İran vasitəsilə Avropadan Hindistan və Cənub-Şərqi Asiya ölkələrinə vahid dəmir yolu əlaqəsinin yaradılmasını nəzərdə tutur. Layihənin reallaşdırılması üçün ilkin qiymətləndirmələrə görə $400 mln. tələb olunur. İşlərin çox hissəsini Azərbaycan sərhədinədək dəmir yolu əlaqəsi olmayan İranda aparmaq lazım olacaq.
ADDY rəhbəri qeyd edib ki, bu dəhliz üzrə yük daşınmlarının birinci mərhələdə il ərzində 5 mln. ton olacağı proqnozlaşıdırılır və beş il ərzində bu rəqəm ildə 15 mln. tonadək çatdırılacaq.
İyunun 4 -nə olan rəsmi məzənnə - 0,8204 AZN/USD
Müəlliflə əlaqə saxlamaq üçün elektron ünvan: [email protected]
