Azərbaycan, Bakı, 17 iyun / Trend müxbir Ü.İsmayılova / Bakıda 137,6 kvadrat metr sahəsi olan üçotaqlı mənzilin minimal orta qiyməti hazırda $150 minə yaxındır. Orta hesabla, Bakı üzrə yeni tikilən binalarda təmir olunmuş anoloji sahəsi olan üç otaqlı mənzil $213,2 min, təmirsiz - $151,3 minə başa gəlir.
Əhali mənzilləri məhz yeni tikilən çoxmərtəbəli binalarda almağa üstünlük verir, çünki daşınmaz əmlakın ikinci bazarında mənzillər baha başa gəlir. Məsələn, Bakının arxitekturalı binasında 137,6 kvadrat metr olan üç otaqlı mənzil $362,9 minə başa gəlir.
Daşınmaz əmlak bazarı portfelində üçotaqlı mənzillərin payı 41,5 faiz təşkil edir.
Ən bahalı üçotaqlı mənzili Bakının mərkəzində, Səbail rayonunda $336,7 min almaq olar. Burada mənzilin bir kvadrat metri, orta hesabla, $2447 təşkil edir. Ən ucuz üçotaqlı mənzili isə Bakının kənarında, Abşeron rayonunda $148,8 min-ə almaq mümkündür, burada bir kvadratmetr $1082 -dır.
Bakının Əzizbəyov rayonunda mənzilin bir kvadrat metri $1112, Binəqədi rayonunda- $1630, Qaradağ rayonunda - $1449, Yasamal rayonunda - $1762, Nizami rayonunda - $1508, Nərimanov rayonunda - $1831, Nəsimi rayonunda $1935, Sabunçu rayonunda - $1462, Suraxanı rayonunda - $1137, Xətai rayonunda - $1391 təşkil edir.
Bakıda arxitekturalı binaların bir çoxu ötən əsrin qırxıncı illərinin sonlarında tikilsə də, bu mənzillərə tələbat hələ də yüksəkdir. Daşınmaz əmlakın ikinci bazarında Bakıda "İtalyan layihəsi" üzrə tikilən mənzillərin bir kvadrat metrinin orta qiyməti $1655, "Kiyev layihəsi" üzrə - $1526, "Leninqrad layihəsi" üzrə - $1677, "Minsk layihəsi" üzrə - $1605, "Moskva layihəsi" üzrə - $1565, "Alman layihəsi" üzrə - $1632, "Stalin layihəsi" üzrə - $2092, "Fransız layihəsi" üzrə - $1649, "xruşovka"nın bir kvadrat metri $1952 təşkil edir.
Bakıda 2007-ci ilin avqustunda on altı mərtəbəli bina dağıldı. Nəticidə 25 nəfər öldü. Bundan sonra Bakıda ilkin mənzil bazarının fəallığı nəzərəçarpaca dərəcədə azaldı. Lakin artıq 2008-ci ilin ilk aylarından əhali yenidən yeni tikilən binalarda mənzil almağa başladı. Mənzil qiymətlərinin artımı buna sübutdur. Tələbat, əsasən, ikinci bazarla müqayisədə, yeni tikilən binalarda mənzillərin aşağı qiyməti, həmçinin, mərkəzləşdirilmiş ventilyasiya şəbəkəsi, isitmə sistemi, İnernet şəbəkəsinə sürətli çıxış, peyk televiziyası hesabına təmin olunur.
Müəlliflə əlaqə saxlamaq üçün elektron ünvan: [email protected]
