Gürcüstan, Tbilisi, 30 iyun/ Trend , müxbir N.Kirtsxaliya/ Gürcüstan Azərbaycanla rəsmi surətdə razılıq imzalamaq və bu ölkənin ÜTT-yə qəbul olunmasına razılıq verməyə hazırdır, deyə bu gün Trend -a Gürcüstanın iqtisadiyyat naziri Eka Şaraşidze bildirib.
Onun sözlərinə görə, razılığın imzalanması bu gün iyulun 1-nə nəzərdə tutulan GUAM sammiti komissiyasının hazırlıq işi çərçivəsində baş tuta bilər. "Biz bu sənədin imzalanmasına hazırıq və bu gün Azərbaycan tərəfini bu barədə xəbərdar edəcəyik", - Şaraşidze deyib.
Gürcüstan və Azərbaycan arasında danışıqlar artıq bir il ildir ki, davam edirdi və əvvəllər tərəflərin qeyd etdiyi kimi, bəzi razılaşdırılmamış məsələlər qalırdı.
Gürcüstan Rusiyaya münasibəti ilə bağlı mövqeyini dəyişmir və Gürcüstan-Rusiya sərhədində Abxaziya və Cənubi Osetiya ərazisində mövcud olan sərhəd nəzarət buraxılış məntəqələri leqallaşdırılanadək onun ÜTT-yə üzv olmasına razılıq verməkdən imtina edir.