Azərbaycan, Bakı,14 iyul/ Trend , müxbir Ü.İsmayılova/ İyunda Bakının təkrar daşınmaz əmlak bazarında bir kvadratmetr yaşayış sahəsinin orta qiyməti maya nisbətən 3,1 faiz - 1 kvadratmetrinə görə $1626-dək azalıb. Bu barədə bazar ertəsi "Əmlak Bazarı İştirakçıları" İctimai Birliyindən məlumat veriblər. Qiymətlərin azalması, əsasən, Bakının Binəqədi, Nizami, Nərimanov, Suraxanı və Xətai rayonlarında müşahidə olunub.
İyunda təkrar bazarın fəallığı 1,5 faiz azalıb.
İyunda Bakının təkrar daşınmaz əmlak bazarında 6,4 min mənzil təklif olunub. Təklif olunan mənzillərin 19,6 faizi Nərimanov, 18,1 faizi Yasamal, 17,1 faizi Xətai rayonunda yerləşib.
İyunda Bakının təkrar daşınmaz əmlak bazarı portfelində əksəriyyəti ikiotaqlı mənzillər tutur. Onların payı 38,2 faiz olub. Üçotaqlı mənzillər bazarın 35,1 faizini təşkil edib.
Müəlliflə əlaqə saxlamaq üçün elektron ünvan - cap