Azərbaycan, Bakı, 17 iyul/ Trend Cap , müxbir Ü.İsmayılova/ Azərbaycan Maliyyə Nazirliyi "Abşeron" səhmdar sığorta şirkətinin sığorta fəaliyyəti aparması üçün lisenziyasının müddətini müvəqqəti dayandırıb. Bu barədə cümə axşamı nazirlikdən məlumat veriblər.
Çox sayda qanun pozuntuları və çatışmazlıqlara görə şirkətin lisenziyası sentyabrın 2-dək dayandırılıb.
Mayda Azərbaycan Maliyyə Nazirliyi avtonəqliyyat vasitələri sahiblərinin vətəndaş məsuliyyətinin məcburi sığortasına dair "Abşeron" şirkətinə əvvəllər verilən icazənin ləğvi ilə onun lisenziyasını məhdudlaşdırmaq barədə qərar qəbul edib. Buna səbəb "Abşeron" şirkətinin fəaliyyətinin yoxlanılması zamanı müvafiq qanunun pozulmasına dair aşkar edilən ciddi pozuntular olub.
Maliyyə Nazirliyinin Baş Sığorta Nəzarəti İdarəsinin rəhbəri Namiq Xəlilov əvvəllər bildirib ki, "Abşeron" şirkətinin digər çatışmazlıqlarla yanaşı Mərkəzi Sığorta Fondu və Ehtiyat Tədbirləri Fonunda, "Nəqliyyat vasitəsi sahiblərinin mülki məsuliyyətinin icbari sığortası haqqında" Qanunla nəzərdə tutulmuş məcburi ödəmələr üzrə nəzərəçarpacaq borcları var.
""Sığorta fəaliyyəti haqqında" Qanuna əsasən, belə borcun olması məcburi sığorta növü üzrə fəaliyyətin həyata keçirilməsi üçün əvvəllər verilmiş icazənin ləğvi yolu ilə sığorta fəaliyyətinə dair lisenziyanın məhdudlaşdırılmasına əsasdır, - Xəlilov dəqiqləşdirib. Şirkətin bu sahədə fəaliyyətin bərpası üçün bu icazənin verilməsi imkanlarına yenidən baxmaq lazım olacaq".
Birinci rübün yekunlarına görə, şirkət 0,12 mln. manat sığorta haqqı toplayıb. Ödəmələr 0,004 mln. təşkil edib.
Bu gün ölkədə 28 sığorta şirkəti fəaliyyət göstərir.
Müəlliflə əlaqə saxlamaq üçün elektron ünvan: cap
