Azərbaycan, Bakı, 23 iyul/ Trend , müxbir İ.Xəlilova/Qərargahı Londonda yerləşən Economist Intelligence Unit analitik şirkəti sentyabrın 4-də Bakıda Azərbaycan hökuməti ilə ilk biznes-görüş keçirəcək, - Azərbaycan-Amerika Ticarət-Sənaye Palatasından (AMCHAM) dəvət alan Azərbaycan şirkətindən çərşənbə günü bildiriblər.
Görüşdə aparılacaq müzakirələrin əsas məqsədi Azərbaycanın stabil artıma keçməsi məsələsi olacaq. Görüşdə maliyyə, iqtisadi inkişaf, sənaye və energetika nazirlərinin, Baker& McKenzie, Ernst & Young, Procter& Gamble və Visa beynəlxalq ödəniş sistemi şirkətlərinin nümayəndələrinin iştirakı gözlənilir.
Görüş iştirakçıları Azərbaycan iqtisadiyyatının neftdən sonrakı mərhələdə sabit inkişafı, ölkə hökumətinin iqtisadiyyatın diversifikasiyası üçün daha şəffaf biznes-mühitin yaratmaq bacarığı, əlavə resursların cəlb edilməsi və xarici səhmlər üçün neft sektorundan başqa digər daha cəlbedici sahələrin müəyyənləşdirilməsi üzrə məsələləri müzakirə edəcəklər.
Bu yaxınlarda iqtisadi inkişaf naziri Heydər Babayevin bldirdiyinə görə, Azərbaycan iqtisadiyyatının lokomotivi hesab edilən neft-qaz sektorunda ilayihələrin həyata keçirilməsi, ölkənin sabit inkişafı üçün bir neçə il sonraya möhkəm bünövrə yaradıb.
Onun fikrincə, 2008-ci ili nəticələrinə görə, Azərbaycanda iqtisadi inkişaf tempi, dünyada gedən böhrana baxmayaraq, ikirəqəmli səviyyədə qalacaq və ölkə dünyada inkişaf tempinə görə liderlik mövqeyini qoruyub saxlayacaq. Son 2004-2007-ci illər ərzində ölkə iqtisadiyyatı 96 faiz artıb.
"Biz iqtisadi potensialı iki dəfə artırmağa və yüksək tempi bu güclü baza əsasında qorumağa nail ola bildik. İqtisadi inkişafı davam etdirmək, əlbəttə ki, asan iş deyil", - nazir hesab edir.
2008-ci ilin ilk yarımilinin nəticələrinə görə, ümumdaxili məhsulun həcmi 16,5 faiz artıb. Babayev hesab edir ki, ümumdaxili məhsulun həcminin artım tempinin enməsi (2007-ci ildə bu göstərici 25 faiz, 2006-cı ildə isə 34,5 faiz olub) yaxın gələcəkdə bu göstəricini daha aşağı səviyyəydə stabilləşdirməyə nail olunacağından xəbər verən müsbət dəyişikliklərin sübutudur.
İyulun 23-də valyutanın rəsmi məzənnəsi 0,8065 AZN/USD-dır.
