Bakıda satılan ən bahalı torpaq sahəsinin qiyməti açıqlanıb
Azərbaycan, Bakı, 29 iyul/ Trend , müxbir Ü.İsmayılova/ İyunda ən bahalı torpaq sahəsi bir sotuna görə 257,1 min dollara Bakının Nərimanov rayonunda, ən ucuz isə bir sotuna görə 300 dollara Qaradağ rayonunda satılıb. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat veriblər.
İyunda bir sot sahənin orta qiyməti maya nisbətən 0,7 faiz artıb və $25648 təşkil edib. İyunda torpaq sahələrinin ekspozisiya müddəti 3,1 faiz artıb.
İyunda bazara təklif olunmuş 638 ha torpaq sahəsinin 74,7 faizini boş sahələr təşkil edib.
Ümumi cədvəl şəhərin zonaları üzrə Bakıda torpaq sahələrinin qiymətlərinin dəyişməsini göstərir:
| Şəhərin zonası | Bir sotuna görə qiymətlər $ | Qiymətlərin orta dəyişməsi faizlə |
| I | 225049 | -0,3 |
| II | 136983 | -0,2 |
| III | 34634 | 2,9 |
| IV | 6228 | 4,5 |
Müəlliflə əlaqə saxlamaq üçün elektron ünvan: cap
