Azərbaycan, Bakı, 30 iyul/ Trend müxbir E.İsmayılov/Azərbaycan Şimal - Cənub"dəmir yolu layihəsi çərçivəsində İran sərhədinədək dəmir yolunun çatışmayan hissəsinin tikintisini, İran Rəştdən dəmir yolunun tikintisinə başlayandan sonra reallaşdıracaq, - çərşənbə günü Azərbaycan Nəqliyyat nazirinin müavini Musa Pənahov deyib.
"Azərbaycan İran sərhədinədək dəmir yolu sahəsinin tikintisini, İran - Azərbaycan sərhədinədək yolun tikintisinə başlayandan sonra təmin edəcək", - Pənəhov bildirib.
İran bu layihənin həyata keçirilməsini öz üzərinə götürərək, artıq Qəzvin -Rəşt istiqamətində dəmir yolunun tikintisinə başlayıb. Yolun Azərbaycan sərhədinədək olan hisəsinin tikintisi isə, hələlik, qalıb.
İranın milli dəmir yolu şirkəti Qəzvin - Rəşt - Ənzəli - Astara dəmir yolunun tikintisinə təxminən $108,4 mln. ayırıb. Məbləğin bir hissəsi dövlət büdcəsindən, yerdə qalan hissəsi isə, ölkənin neft ehtiyatı fondundan ayrılacaq.
Şimal-Cənub" nəqliyyat dəhlizi layihəsi Rusiya, Azərbaycan və İran vasitəsilə Avropadan Hindistan və Cənub-Şərqi Asiya ölkələrinə vahid dəmir yolu əlaqəsinin yaradılmasını nəzərdə tutur. Layihənin reallaşdırılmasına $400 mln.- dan çox vəsait tələb olunur. İşlərin böyük hissəsi isə, Azərbaycan sərhədinədək dəmir yolu rabitəsinə malik olmayan İranda həyata keçirilməlidir. Azərbaycanda təqribən $35-40 mln. vəsaitə müəyyən işlər görmək lazımdır.
Azərbaycanda həyata keçirləcək işlər Astara stansiyasınadək (AR) təqribən 8,5 km yol hissəsi çəkilməsini, təkər cütlüklərinin dəyişmə sisteminə malik stansiyalar, sərhəd və gömrük infrastrukturu yaratmağı nəzərdə tutur. Bundan əlavə, sərhəd dəmir yolu körpüsü tikmək lazımdır. Lakin, bu layihənin reallaşdırılması İranla paritet əsasda həyata keçiriləcək.
Birinci mərhələdə bu dəhlizlə 5 mln. ton yükün daşınacağı proqnozlaşdırılır. Sonra isə, bu rəqəm ildə 10-15 mln. tona çatacaq.
