Azərbaycan, Bakı, 04 avqust/ Trend , müxbir İ.Xəlilova/ Azərbaycanın Milli Bankı (AMB) sentyabrın ortalarınadək mərkəzləşdirilmiş elektron statistik məlumat bazasının yaradılması üçün İsveçrənin İqtisadi Məsələlər üzrə Dövlət Katibliyindən (Seco) texniki yardımın alınması üzrə danışıqları başa çatdırmağı planlaşdırır. Bu barədə bazar ertəsi Statistika Departamentinin direktoru Elşən Cəfərov məlumat verib.
Onun sözlərinə görə, hazırda bu sistemin tətbiqi üzrə İsveçrənin Mərkəzi Bankının təcrübəsi öyrənilir. Paralel olaraq, AMB-nin şəxsi ehtiyatları hesabına artıq yeni məlumat bazasının yaradılması tədbirləri görülür.
"Yeni məlumat bazasının yaradılması mövcud sisteminin təkmilləşdirilməsi və beynəlxalq standartlara yaxınlaşdırılması zərurəti ilə bağlıdır", - Cəfərov bildirib.
Məlumat bazasının Milli Bankda Statistika və Araşdırmalar Departamentinin restrukturlaşdırılmasından sonra yaradılmış Statistika Departamenti üçün təşkil etmək nəzərdə tutulur. İndi bu departament bank nəzarəti və sikkə bazası üzrə statistika aparacaq. Yeni məlumat bazasının tətbiqini növbəti ilin ortalarına başa çatdırmaq planlaşdırılır.
Hələ bir müddət əvvəl Seco-da Milli Proqramın rəhbəri Nailə Səfərova Dövlət Katibliyinin AMB-nin xahişini qəbul edəcəyinə əmin olmadığını bildirib.
"Serverin yaradılması Seco-nun texniki yardım göstərdiyi fəaliyyət sahələrinə daxil deyil. Buna görə də Dövlət Katibliyinin bu müraciətdən imtina edəcəyi istisna deyil", - Səfərova bildirib.
Lakin Milli Bankın nümayəndəsi danışıqların gedişinə istinadək Seco-dan texniki yardımın alınacağına əmindir.
Hazırda Seco Milli Banka üç istiqamətdə - ekonometrik tədris və treninqlər, maliyyə proqramlaşdırması və real sektorun monitorinqi istiqamətləri üzrə yardım təqdim edəcək.
İyulun 4-nə olan cari məzənnə -- 0,809 AZN/USD.
Müəlliflə əlaqə saxlamaq üçün elektron ünvan: [email protected]