Azərbaycan, Bakı, 11 avqust/ Trend , müxbir S.Babayeva/ Birinci yarımildə Naxçıvan Muxtar Respublikası (NMR) 22 ölkə ilə $36,2 mln. məbləğdə xarici ticarət əməliyyatları həyata keçirib. Bu barədə NMR-in Bakıdakı daimi nümayəndəliyindən məlumat veriblər.
Ümumi ticarət dövriyyəsinin strukturunda 30 faiz və ya $10,8 mln. ixracın, $25,3 mln. və ya 70 faiz idxalın payına düşür.
Yanvar-iyunda Muxtar Respublikanın ticarət tərəfdaşları Türkiyə, Rusiya, Ukrayna, Almaniya, Gürcüstan, Koreya, İran, Kuba, Qazaxıstan, Hindistan, Fransa, Macarıstan, Slovakiya, ABŞ, BƏƏ, Yaponiya, İsveç, İsveçrə, Çin olub.
