Azərbaycan, Bakı, 14 avqust/ Trend , müxbir S.Babayeva/ İyulda Azərbaycanın avtomobil bazarında orta qiymətlər 7,5 faiz artıb", - "Əmlak Bazarı İştirakçıları" İctimai Birliyindən məlumat veriblər. Birliyin məlumatına əsasən, qiymət artımı Rusiyada istehsal olunan avtomobillər üzrə ilkin bazarda qiymət artımı müşahidə olub - artım 8 -11 faiz civarında dəyişib.
Avtomobil alqısı üçün müraciət edənlərin sayı 9 faiz azalıb.
Avtomobil alqısında tranzit ölkə rolunu oynayan Gürcüstandakı vəziyyət təkrar bazarda qiymətlərin artmasına təsir göstərib. Lakin buna baxmayarq təkrar bazarla müqayisədə ilkin bazarda qiymətlərdə fərq böyük deyil.
Bununla yanaşı, Birlik Rusiya-Gürcüstan münaqişəsi nəticəsində Almaniyadan istifadə edilmiş avtomobillərin gətirilməsi ilə yaranan problemlər və ənənəvi olaraq, sentyabra bazarda fəallığın artması bağlı Azərbaycanın təkrar avtomobil bazarında qiymətlərin əhəmiyyətli artımını proqnozlaşdırır.
