Azərbaycan, Bakı, 28 avqust / Trend müxbir Ü.İsmayılova/ Cari ilin yanvar-iyul aylarında Azərbaycanın daşınmaz əmlak bazarında 72,3 min daşınmaz əmlak obyekti qeydiyyatdan keçib. Bu, 2007-ci ilin analoji dövr göstəricisindən 18 faiz çoxdur. Bu barədə cümə axşamı Daşınmaz Əmlakın Dövlət Reyestr Xidmətindən məlumat verilib.
Qeydiyyata alınan obyektlərin ümumi sayıdan 24,3 mini ilkin bazar (İl ərzində artım 13 faiz təşkil edib), 48,3 mini isə təkrar bazarın (20 faiz artım) payına düşüb.
Yeddi ay ərzində Dövlət Xidmətində ilkin bazar üzrə 6,4 min özəl və bağ evi, 8,3 min mənzil, 7,9 min torpaq sahəsi, 649 qeyri yaşayış binası, 693 qeyri -yaşayış sahəsi, 126 yaşayış kompleksi, 10 çoxmərtəbəli ev, altı çoxillik əkin sahəsi qeydiyyatdan keçib.
Ölkənin təkrar bazarında yanvar-iyul aylarında 9,9 min özəl və bağ evi, 19,7 min mənzil, 15,9 min torpaq sahəsi, 587 qeyri-yaşayış binası, 1,5 min qeyri-yaşayış sahəsi, 159 yaşayış kompleksi, doqquz çoxmərtəbəli yaşayış evi qeydiyyatdan keçib.
Yeddi ay ərzində ipoteka kreditləşməsi üzrə 11,4 min müqavilə Dövlət Xidmətində qeydiyyatdan keçib.
Məqalə müəllifi ilə əlaqə ünvanı: capital