Azərbaycan, Bakı, 01 sentyabr/ Trend Cap , müxbir İ.Xəlilova/ Dünya Bankı (DB) hazırki Azərbaycana Yardım Strategiyası (CPS) çərçivəsində təsdiq edilmiş layihələr üzrə kredit sazişlərinin imzalanması üçün dövlətdaxili prosedurları sürətləndirmək xahişi ilə Azərbaycanın Nazirlər Kabinetinə məktub göndərib,- bazar ertəsi Bankın Bakı nümayəndəliyindən bildiriblər.
Bankın Direktorlar Şurası artıq 13 layihəni təsdiqləyib. Onlardan yalnız birincisi - su layihəsi üzrə kredit sazişi imzalanıb;bu layihə hələ ötən il təsdiqlənib. Qalan 12 layihə üzrə imzalama səlahiyyəti yalnız bir layihəyə verilib.
DB 13 layihənin maliyyələşdirilməsi üçün $1,251 mlrd. vəsait ayrılıb. Vəsaitlər dörd ilə nəzərdə tutulub. Azərbaycan $121 mln. məbləğdə sonuncu güzəştli kvotanı 2008 - ci maliyyə ilində istifadə edib.
Məcburi köçkünlərin sosial şəraitinin yaxşılaşdırılması, kənd sərmayələri, korporativ və dövlət sektorlarında hesabatlılıq (CAPSAP), təhsil sistemində islahatlar və sosial təminata yardım layihələri güzəştli maliyyələşdirmənin payına düşüb.
Qalan altı layihə (nəqliyyat və dəmir yolunda ticarətin inkişafı, avtomagistral və dairəvi yolların yenidən qurulması, su təchizatı sisteminin yaxşılaşdırılması, ətraf mühitin təmizlənməsi) Beynəlxalq Yenidənqurma və İnkişaf Bankının xətti ilə maliyyələşdirilib. Su layihəsinə isə, qismən Beynəlxalq İnkişaf Assosiasiyasının xətti ilə vəsait ayrılıb.
Bank bu vəsaitlərin vaxtından əvvəl mənimsənilməsi ilə əlaqədar, qarşıdakı iki ildə - 2009 -2010 - cu illərdə strategiyanın realizə dövründə ekoloji, yol, enerji layihələri, ictimai sektorda, ali və ibtidai təhsil sistemində islahatlar üçün əlavə maliyyələşdirmə qismində $1,2 mlrd. vəsait təqdim edəcək.
Bank iki su layihəsinin realizəsinə $490 mln.; ekoloji proqrama - $163,5 mln. (üç layihəyə); ikinci avtomagistral yolun tikintisinə (Ələt-Masallı, Bakı -Şamaxı - Muğan yol sahələrinin, Sahil qəsəbəsindən Z.Tağıyev qəsəbəsinədək dairəvi yolun tikintisi) - $300 mln.; dəmir yolu infrastrukturunun təkmilləşdirilməsinə - $450 mln.; Azərbaycanda sosial müdafiənin inkişafına - $26,7 mln.; kənd sərmayələrinə- $15 mln.; mühasibat uçotu üzrə layihəyə - $11 mln. və s. həcmdə vəsait ayırıb.
Hazırda yeni layihələr hazırlanır və onların maliyyələşdirilməsi yalnız Beynəlxalq Yenidənqurma və İnkişaf Bankının xətti ilə həyata keçiriləcək.
Hazırda bank 45 layihə üzrə ölkəyə $2323,7 mlrd. vəsait ayırıb. DB-nin 2009-2010-cu illərdə ölkə üzrə strategiyasında Azərbaycandakı layihələrə kreditlərin verilməsi üçün hər il $500-600 mln. ayırmaq planlaşdırılır.
Sentyabrın 1-ə olan cari mübadilə məzənnəsi -- 0,814 AZN/USD.
Müəlliflə əlaqə saxlamaq üçün elektron ünvan [email protected]