Azərbaycan, Bakı, 05 sentyabr/ TrendCap müxbir Ü.İsmayılova/Avqustda Bakıda tikinti materiallarının qiyməti iyula nisbətdə 3,4 faiz bahalaşıb, - cümə günü "Əmlak Bazarı İştirakçıları" İctimai Birliyindən məlumat veriblər.
İlin əvvəlindən tikinti materialları 14,3 faiz, 2007- ci ilin analoji dövrü ilə müqayisədə isə, 33,6 faiz bahalaşıb.
İctimai Birlik avqustda tikinti materialları bazarında 36 adda, 82 çeşiddə tikinti materiallarının monitorinqini aparıb.
Ay ərzində 82 adda məhsuldan 19-u üzrə qiymət azalması, 49 -u üzrə stabillik, 16-sı üzrə isə, qiymət artımı müşahidə edilib.
Bazarda yerli istehsallı tikinti materiallarının payı 45 faiz olub.
"Əmlak Bazarı İştirakçıları" İctimai Birliyinin ekspertlərinin fikrincə, tikinti materiallarının qiymətinin artmasının əsas səbəbi dünya bazarında bu növ məhsulların dəyərinin və idxalda nəqliyyat məsrəflərinin artmasıdır.
