...

Azərbaycanın Daşınmaz Əmlakın Dövlət Reyestri Xidməti Almaniyanın KfW bankı ilə birgə layihənin realizəsinə hazırlaşır

Biznes və iqtisadiyyat xəbərləri Materials 13 Sentyabr 2008 12:52

Trend-i buradan izləyin

Azərbaycan, Bakı, 13 sentyabr/ Trend , müxbir Ü.İsmayılova/ Azərbaycanın Daşınmaz Əmlakın Dövlət Reyestri Xidməti sentyabrın sonunda Almaniyanın İnkişaf Bankı (KfW) ilə birgə daşınmaz əmlakın vahid qeydiyyat sistemi layihəsinin tətbiqinə başlayır, - Dövlət Xidmətinin rəhbəri Arif Qaraşov deyib.

"Hazırda tərəflər layihənin reallaşdırılması üçün inzibati məsələləri həll edirlər", - Qaraşov bildirib.

Azərbaycan hökuməti və KfW kreditin ayrılması və daşınmaz əmlakın vahid qeydiyyat sisteminin tətbiqi üzrə qarşılıqlı fəaliyyət memorandumunu iyunun ortalarında imzalayıblar.

Layihə daşınmaz əmlakın qeydiyyatının aparılması üçün Gəncə şəhəri və Şəki rayonunda sistemli kadastr uçotunun aparılmasını nəzərdə tutur. Geodeziya tədqiqatları əsasında onların dəqiq koordinatları kadastr xəritəsinə daxil ediləcək.

Layihənin əsas fazasının reallaşması üçün KfW-ə 30 ay lazım olacaq. KfW bu layihə üçün 2,5 mln. avro güzəştli kredit və təşkilati-benefisiarların institusionallaşması üçün 1 mln. avro ayırmağa hazırdır.

2007-ci ilin iyulunda Azərbaycan hökuməti və Dünya Bankı (DB) daşınmaz əmlakın vahid kadastrı sisteminin birgə aparılması barədə saziş imzalayıblar.

Layihə dörd komponentdən ibarətdir - daşınmaz əmlakın qeydiyyatı; dövlət əmlakının idarə edilməsi və reyestri; baza xəritəçəkmə və torpaq kadastrı; treninqlər, layihənin siyasəti və idarə edilməsinin formalaşdırılması. Layihənin dəyəri 38,57 mln. dollar təşkil edir ki, bunun da 30 mln. dolları DB-nin kreditinin payına düşür. Kredit ehtiyatları 5 il güzəştli dövr olmaqla 20 il müddətinə ayrılıb.

Xəbər lenti

Xəbər lenti