...

Azərbaycanın Hesablama Palatası və Maliyyə Nazirliyi memorandum imzalayıblar

Biznes və iqtisadiyyat xəbərləri Materials 18 Sentyabr 2008 19:48

Trend-i buradan izləyin

Azərbaycan, Bakı, 18 sentyabr/ Trend , müxbir N.İsmayılova, S.Babayeva/ "Azərbaycanın Hesablama Palatası (HP) və Maliyyə Nazirliyi operativ məlumat mübadiləsi üçün memorandum imzalayıblar", - HP-nin sədri Heydər Əsədov bildirib. Belə razılaşma cari yoxlamalar üzrə məlumatın ötürülməsi ilə bağlı yaranan yubanmaları tam aradan qaldırmağa imkan verir.

"Memorandumun imzalanmasınadək bizim nazirliyə zəruri olan məlumatların operativ təqdim edilməsi ilə bağlı problemlərimiz olub", - o bildirib. Əsədovun sözlərinə görə, tədbirlər planına əsasən, Hesablama Palatası bu il 34 təşkilat və idarədə dövlət vəsaitlərinin səmərəli və məqsədyönlü xərclənməsini yoxlamağı planlaşdırır. Onlardan 14 - də yoxlamalar artıq başa çatdırılıb və bir neçə qurum üzrə də başa çatmaq üzrədir.

HP dövlət proqramlarının icrası üzrə Təhsil Nazirliyində və Ukrayna səfirliyində auditi artıq başa çatdırıb. Yunanıstan səfirliyində də analoji işlərə başlamaq planlaşdırılır. Hesablama Palatası idman, səhiyyə, mədəniyyət və təhsil sahəsindəki dövlət proqramlarının realizə müddətinin başa çatması ilə əlaqədar bu il onların icrasının təhlilini aparmaq niyyətindədir.

Sentyabrın 18 - nə olan cari mübadilə məzənnəsi -- 0,8126 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti